به‌پێی هه‌واڵی کوردپرێس، به‌هرام قاسمی وته‌بێژی وه‌زاره‌تی ده‌ره‌وه‌ی ئێران پاش بڵاوبوونه‌وه‌ی ڕاپۆرتی نوێی ئه‌سما جه‌هانگیر ڕاپۆرتده‌ری مافی مرۆڤ له کۆماری ئیسلامیی ئێران ڕای‌گه‌یاند: ئێران له‌سه‌ر ئه‌و بڕوایه‌یه ئه‌و ڕاپۆرته‌ی ناوبراو ئاماده‌ی کردووه ئامانج و مه‌به‌ستی سیاسی و بژارده‌یی هه‌ندێک وڵاتی دیاری‌کراوی له پشته‌وه‌یه و بۆیه‌ش به فه‌رمی نایناسین و ڕه‌تی ده‌که‌ینه‌وه و ده‌ڵێین ئه‌و ڕاپۆرته قبووڵ نه‌کراوه.
قاسمی زیادی کرد: کۆماری ئیسلامیی ئێران چه‌ندین جار به‌پێی به‌ڵگه و به تێر و ته‌سه‌لی ئیدعا بێ بنه‌ماکانی وه‌ڵام داوه‌ته‌وه به‌ڵام به‌وه‌شه‌وه ناوه‌رۆکی ڕاپۆرته‌کان هێشتاکه کۆمه‌ڵێک زانیاریی ناڕاست و پێش داوه‌ریی تێدایه سه‌باره‌ت به دۆخی مافی مرۆڤ له ئێران و سه‌رچاوه‌ی بڕواپێنه‌کراوی تێدا به‌کار هێنراوه که متمانه به ڕاپۆرته‌که لاواز ده‌کات. به‌داخه‌وه وێده‌چێت ڕاپۆرتده‌ری تایبه‌ت چاوی به سه‌ر زۆر خاڵی پێشکه‌وتنی مافی مرۆڤ له ئێراندا نوقاندووه و هه‌ندێک ڕسته‌ی نادیاری سه‌باره‌ت به نیگه‌رانیی بێ‌بنه‌ما له‌سه‌ر زانیاریی متمانه‌‌پێنه‌کراو به‌کار ده‌هێنێت و هه‌وڵ ده‌دات وێنایێکی تاریک و یه‌کلایه‌نه له دۆخی مافی مرۆڤ له ئێران بکێشێت. بێگومان ئه‌وه‌ش بێ‌لایه‌نی و کاری پڕۆفشناڵی ڕاپۆرتده‌ری تایبه‌ت ده‌کێشێته ژێر پرسیاره‌وه.
وته‌بێژی وه‌زاره‌تی ده‌ره‌وه‌ی ئێران جه‌ختی کرده‌وه: له‌سه‌ر ئه‌و بڕوایه‌ین ڕوانگه‌ی سیاسی و بژارده‌یی پێگه و پله‌ی مافی مرۆڤ له ئێران لاواز ده‌کات به تایبه‌ت له‌م سه‌رده‌مه‌دا که کۆمه‌ڵگای جیهانی به ئاشکرا ده‌بینن مافی مرۆڤ له جیهان پێشێل ده‌کرێت و کاره‌ساته ئینسانییه‌کانی گرووپه تیرۆریستییه‌کان له هه‌ندێک وڵاتی وه‌کوو یه‌مه‌ن، به‌حره‌ین، میانمار و... ته‌ڕاتێن ده‌کات.
کۆدی هه‌واڵنێر: 60103
Your Comment