به‌پێی هه‌واڵی کوردپرێس، 29هه‌مین خولی مه‌شقی سه‌ربازیی هێزی به‌رگریی کانتۆنی حه‌سه‌که له ئاکادیمیای به‌رگریی "شه‌هید حه‌سه‌ن ده‌روێش"دا کۆتاییی پێهات و 800 هێزی مه‌شقپێکراو ته‌ڤلی هێزی به‌رگریی کانتۆنی حه‌سه‌که بوون.
29هه‌مین خولی مه‌شقی سه‌ربازیی هێزی به‌رگری به ناوی شه‌هیدی مه‌زڵوومی قامیشلۆ کاره‌کانی ده‌ست‌پێکردبوو و هێزه‌کان 45 ڕۆژ مه‌شق و ڕاهێنان و ده‌رسی ئایدیۆلۆژیک فێر بوون و ئه‌مڕۆ به ئاماده‌بوونی بنه‌ماڵه‌ی هێزه‌کان، سیاسه‌توانان و فه‌رمانده سه‌ربازییه‌کان ڕێوڕه‌سمی کۆتاییی خوله‌که به‌ڕێوه چوو.
عاید ئیبراهیم، فه‌رمانده‌ی هێزی به‌رگریی کانتۆنی حه‌سه‌که که له‌م ڕێوڕه‌سمه‌دا قسه‌ی ده‌کرد له لێدوانێکدا جه‌ختی کرد: ڕه‌قه به بۆنه‌ی گه‌نجانه‌وه له سه‌روبه‌ندی ئازادیدایه و له ڕۆژانی داهاتوودا هه‌واڵی ئازادکردنه‌وه‌ی ڕه‌قه‌ش بڵاو ده‌که‌ینه‌وه.
سه‌رچاوه: هاوار نیووز
کۆدی هه‌واڵنێر: 60103
Your Comment