پاو هەواڵەکاو کوردپرێسی، عەلی مەنسووری باسش چانەیە کەرد ئایروو کەش و کۆ و مێرگەکاو سەلاسی کۆنترۆڵ کریان و واتیچش: ئایرەکە سەعات 8و وێرەگاو ڕۆ چوارشەمەی کەوتەنە بەرزاییەکانوو سەلاسی و سەعات یەرێ سۆحوو ئارۆی هێزوو ئایر کوشنایۆ بە تەمامی کۆنترۆڵشا کەرد و کوشناشاوە.
ئاد جەختیش کەرد سەروو ئانەی 15 کەسێ جە هێزەکاو ئایر کوژنایۆ تا وێرەگا شۆنەکێنە ماناوە و دماوە واتش: دار و درەختەکێ فرە خەسارشا نەکەوتەن و تاوی واچی سەدی 5شا سۆتەن.
مەنسووری ماچۆ ڕەنگا مرۆڤ بیەبۆ هۆکاروو دەسپێکی ئایرەکەی و چون ناوچەکە لێژاییش فرەن و وای تننیچش ئامان ئایرەکە تەمام بڵاو بیەنۆ.
سەرۆکوو سەرچەمە سروشتییەکاو سەلاسی ئانەیچش وست بەرۆ 200 تا 250 کەسێ جە فەرمانبەرەکاو فەرمانداری و بەخشداری چی هەرمانێنە یارمەتیشا دان و سەخت بیەو ڕای و لێژایی فرە و وای فرە تن جە سەرەکیتەرین کێشەکانما بێ.