بەپێی هەواڵی کوردپرێس، ئەنجومەنی سووریای دیموکرات لە ڕەقە و شەهبا چەند کۆبوونەوەیەکی سەبارەت بە دۆخی سووریا، پرسی عەفرین و لێکنزیک بوونەوەی دیمەشق و ئەنقەرە ئەنجام دا.
بەگوێرەی هەواڵی کەناڵی ڕووناهی، لە کۆبوونەوەیەکدا کە ڕۆژی چوارشەممە لە شاری ڕەقە لە لایەن ئەنجومەنی سووریای دیموکراتەوە بەڕێوە چوو ڕاگەیەندرا مەبەستی ئەنقەرە و دیمەشق لە نزیکبوونەوە، دژایەتی کردنی پڕۆژەی بەڕێوەبەرایەتیی خۆسەر و چەساندنەوەی گەلانی سووریایە.
هەروەها لە شەهبا بە ئامادەبوونی سیاسەتمەداران و ئەندامانی ئیدارەی خۆسەر و شێخ و پیاوماقووڵانی عەشیرەتەکان کۆبوونەوەیەک لە لایەنMSD وە لەسەر بابەتی لێکنزیکبوونەوەی ئەنقەرە و دیمەشق و هێرشەکانی تورکیا بۆ سەر عەفرین بەڕێوەچوو.
لەم دیدارەدا باس لە مەترسی نزیکبوونەوەی حکوومەتی سووریا و تورکیا و کاریگەرییەکانی لەسەر ئایندەی گەلی سووریا کرا.
Your Comment