بەپێی هەواڵی کوردپرێس، لیژنەی هەڵسەنگاندنی نۆهەمین فێستیڤاڵی نێودەوڵەتیی دەف نەوای ڕەحمەت پاش لێکدانەوەی ئەو کارانەی کە گەیشتنە قۆناغی کۆتایی فێستیڤاڵەکە، لە مەراسیمێکدا براوەکانیان ناساند.

لە کۆتایی فێستیڤاڵەکەدا کە لە هۆڵی سینەما بەهمەنی سنە بەڕێوەچوو، لە براوەکانی بەشی تاک ژەنیی خانمان، ئاستی تەمەنی ١٣ بۆ ١٩ ساڵ، مەهتاب کرامەتی لە مەشهەدەوە پلەی یەکەمی بەدەست هێنا، ئارینا ئەیووبی لە سنە پلەی دووهەم و ئالیسا قودسی لە شەهرڕزای ئیسفەهان پلەی سێهەمیان بەدەست هێنا.

لە براوەکانی تاک ژەنیی پیاوان، ئاستی تەمەنی ١٣ بۆ ١٩ ساڵ، پلەی یەکەم ڕەزا دەزایی پوور لە ساری، عەلی سەیاد پوور لە ئامول پلەی دووهەم و ئاران حەسەن زادە پلەی سێهەمی بەدەست هێنا.

لە براوەکانی تاک ژەنیی خانمان لە ئاستی تەمەنی گەورەساڵان، پلەی یەکەم و دووهەم بەخشرایە سەیران ئەدیب پوور و موژدە ڕەحمانی هەر دوو لە سنەوە بەشدار بوون، پلەی سێهەم درایە فاتمە دووستی لە مەشهەدەوە.

لە براوەکانی تاک ژەنیی پیاوان، ئاستی تەمەنی گەورەساڵان، پلەی یەکەم درایە عرفان مورادی لە سنە، پلەی دووهەم تەرخان کرایە عەلی ئەسغەر کەرەمی لە ئامول و پلەی سێهەم بە شێوەی هاوبەش درایە مەتین ڕەحمانی لە سنە و ئارمین ڕەستگاری لە بیجاڕەوە.

گرووپە براوەکان لە بەشی گرووپ ژەنی، پلەی یەکەم تەرخان کرایە گرووپی یاران لە هەرێمی کوردستانەوە و پلەی دووهەم بەخشرایە گرووپی ئاراس لە پارێزگای یەزد و پلەی سێهەمیش درایە گرووپی ئاوین لە پارێزگای یەزد.

براوەکانی بەشی مەولوودی خوێنیش، پلەی یەکەم گرووپی سۆزی دڵ لە پارێزگای کوردستان، پلەی دووهەم گرووپی بیدل لە خۆراسانی ڕەزەوی و پلەی سێهەم گرووپی موحەمەد ڕەسوولوڵڵا بوون.

هەروەها خەڵاتی تایبەتی بەرپرسی فێستیڤاڵەکە لە بەشی تاک ژەنی گەورەساڵان درایە موحەمەد مورادی لە سنەوە.

هەریەکە لە هونەرمەندان "بێژەن کامکار، عماد تەوحیدی، فەرەیدوون شەهبازیان، مەنسوور مورادی و سەید بەهائەدین حسێنی" لە لیژنەی دادوەرانی نۆهەمین فێستیڤاڵی دەف نەوای ڕەحمەت بوون.

کۆدی هه‌واڵنێر: 60113