به‌پێی هه‌واڵی کوردپرێس، به‌ مه‌به‌ستى دروست كردنی هه‌ماهه‌نگیی له‌ نێوانیاندا هێزه‌كانی سوپای عێراق و هێزه‌كانی پێشمه‌رگه‌ کۆ بوونه‌وه‌.

له ‌کۆبوونه‌وه‌که‌دا هه‌ردوولا تاوتوێى دۆخى ئاڵۆزی ناوچه‌ کێشه‌له‌سه‌ره‌کان و چالاکییه‌کانى داعشیان له‌و ناوچانه‌ کردووه‌.

بڕیاره‌ له‌ ماوه‌یێكی نزیكدا هه‌ر دوو وه‌زاره‌ت كۆ ببنه‌وه‌ و له‌سه‌ر چه‌ند خاڵێک له‌باره‌ى کارى هاوبه‌ش له ‌ناوچه‌ کێشه‌له‌سه‌ره‌کان ڕێکبکه‌ون.

شایانی باسه‌؛ ماوه‌یێکه‌ پاشماوه‌کانى داعش له‌ سنوورى پارێزگاکانى که‌رکووک و مووسڵ و دیاله ‌و سه‌لاحه‌دین چالاکییه‌کانیان له ‌دژى سوپاى عێراق و هێزى پێشمه‌رگه‌ ده‌ست پێکردووه‌ته‌وه‌.

سه‌رچاوه‌: شارپرێس

کۆدی هه‌واڵنێر: 60103