بەپێی هەواڵی کوردپرێس، ساڵح محەمەد عێراقی ناسراو بە وەزیرەکەی سەدر لە تویتێکدا ئاماژەی بەودا، ئامادەیە لەماوەی ٧٢ کاتژمێردا رێککەوتن واژۆ بکات بەو مەرجەی سەرجەم ئەو حیزب و کەسایەتیانەی لە ٢٠٠٣ـەوە لە دەسەڵاتدا بوون بەشداری پێکهێنانی حکوومەتی نوێ نەکەن.
ناوبراو باسی لەوەش کردووە، بەشداری نەکردنی ئەو کەس و حیزبانە لە هەڵوەشاندنەوەی پەرلەمان و پێکهێنانی حکوومەتی نوێ گرنگترە.
ساڵح محەمەد عێراقی ئەوەشی خستووەتەڕوو، "پێویستە هەموو کەس و لایەنەکان بە سەرکردە و فەرمانبەرەکانیان لە پلە جیاوازەکاندا تەنانەت ئەو سەدریانەش کە بەشدار بوون لە حکوومەتەکانی پێشوودا دووبارە بەشدار نەبن."
ئەوەشی خستووەتەڕوو، مەرجەکەی ئەوان جێگروەی سەجەم دەستپێشخەرییەکانە و ئەگەر لەماوەی ٧٢ کاتژمێردا جێبەجێ بکرێت ئامادەن رێککەوتن واژۆ بکەن.
Your Comment