بەپێی هەواڵی کوردپرێس، «ڕەسوول ئێرن نژاد» 35 ساڵان خەڵکی سەدەشت لە ئازاربایجانی ڕۆژئاوا هاوڕێ لەگەڵ هاوسەرەکەی «شوا محەمەد پەناهی» 35 ساڵ و دوو منداڵەکەیان بە ناوەکانی «ئانیتا» 9 ساڵان و «ئارمین» تەمەن 6 ساڵ و کۆرپە پانزدە مانگەکەیان بە ناوی «ئارتین» هەفتی مانگی خەزەڵوەر لە ڕێگای کۆچ کردن بەرەو بەریتانیا لە گەرووی دەریایی مانش بە هۆی تۆفانەوە قایەقەکەیان وەرگەڕا و ژێرئاو کەوتن و گیانیان لەدەست دا.

پاش ئەو ڕووداوە تەرمی ئەم بنەماڵە سەردەشتیی پاش تێپەڕاندنی قۆناخە یاساییەکان گەڕێندرایەوە و لە سەردەشت ئەسپەدەی خاک کران.

شایانی باسە پۆلیسی فەڕەنسا تەنها تەرمی چوار ئەندامی ئەم بنەماڵەیەی دۆزیەوە و چارەنووسی کۆرپە 15 مانگەکەی ئەم بنەماڵە نادیارە. و بەرپرسانی فەڕەنسا دەڵێن چاوەڕوان ناکرێت کە زیندوو بێت.

کۆدی هەواڵنێر: 60113