بەپێی هەواڵی کوردپرێس، سه‌رله‌ئێواره‌ی ڕۆژی چوارشه‌مە سه‌تان خۆپیشانده‌ر و لایه‌نگری ڕه‌وتی سه‌در دژی کاندی کردنی محه‌مه‌د شیاع سوودانی بۆ پۆستی سه‌رۆک وه‌زیرانی عێراق له‌لایه‌ن چوارچێوه‌ی هه‌ماهه‌نگییه‌وه، چوونه نێو ناوچه‌ی سه‌وزی به‌غدا و دواتریش باڵه‌خانه‌ی ئه‌نجوومه‌نی نوێنه‌رانی عێراق.
پاش ماوەیەک مانەوەی خۆپیشاندەران لە ئەنجومەنی نوێنەرانی عێراق ، موقته‌دا سه‌در ڕێبەری ڕەوتی سەدر خۆپیشاندەرانی کردە بەرەنگ و له توویتێکدا ڕایگه‌یاند: "خۆشه‌ویستانی شۆڕشتی چاکسازی و ڕه‌تکردنه‌وه‌ی گه‌نده‌ڵی په‌یامه‌که‌تان گه‌یشت و ترستان گه‌یاند به گه‌نده‌ڵکاران".
ڕاشیگه‌یاند "ئیتر دوو ڕکاعه‌ت نوێژ بکه‌ن و به سه‌لامه‌تی بگه‌ڕێنه‌وه ماڵه‌کانتان".
شایانی باسە خۆپیشانده‌ران و لایه‌نگرانی ڕه‌وتی سه‌در محه‌مه‌د شیاع سوودانی به پیاوی نووری مالیکی سه‌رۆکی هاوپه‌یمانی ده‌وڵه‌تی یاسا ده‌زانن.
Your Comment