بەپێی هەواڵی کوردپرێس: هەواڵدەریی هابر 7 ئاشکرای کرد له په‌یوه‌ندییه ته‌له‌فۆنییه‌که‌دا پرسه دووقۆڵییه‌کان، بابه‌ته‌کانی F-35 و S-400 و سه‌باره‌ت به سووریاش بابه‌ته‌کانی منبج، ئیدلب و ناوچه‌ی ئارام تاوتوێ کراون.
هەروەها مایک پۆمپیۆ لە گفتوگۆ تەلەفونیەکەدا لەگەڵ مەولوود چاوشئوغڵو وەزیری دەرەوەی توركیا، رایگەیاندووە لە نیگەرانیەكانی ئەنقەرە لە دۆخی ئەمنی ناوچە سنوریەكانی لەگەڵ سووریا تێدەگات، بەڵام لە هەمان كاتدا واشنتۆن پابەندە بە پارێزگاری كردن لە هاوبەشە خۆجێییەكانی لە شەڕی دژ بە داعش، ئەمەش وەک ئاماژەیێک بۆ هێزەكانی سووریای دیموكراتی.
ئەم پەیوەندیە تەلەفونیە لە كاتێكدایە كە جارێكی تر بەرپرسانی باڵای توركیا باس لە ئەگەری پەلاماردانی ناوچەكانی رۆژهەڵاتی فورات دەكەن كە لە ژێر كۆنتڕۆڵی هەسەدەدان.
کۆدی هەواڵنێر: 60113
Your Comment