کوردپرێس:
عوسمان كریم جێگری سه‌رۆكی لیژنه‌ی پێشمه‌رگه و ناوخۆ و ئاسایش له په‌رله‌مان به PUKmedia ی راگه‌یاند، له په‌رله‌مانه‌وه دیراسه‌ی پڕۆژه‌یاسایێک ده‌كه‌ن بۆ قه‌ده‌غه‌كردنی چه‌كی بێ مۆڵه‌ت به‌شێوه‌یێک كه له به‌رژه‌وه‌ندیی خه‌ڵكی هه‌رێمی كوردستان بێت.
ناوبراو وتیشی: له پرۆژه‌كه‌دا داوا له وه‌زاره‌تی پێشمه‌رگه و ناوخۆ ده‌كرێت هه‌ر پێشمه‌رگه و كارمه‌ندێكی هێزه‌كانی ناوخۆ دوای ته‌واوبوونی ده‌وامیان چه‌كه‌كانیان له‌ده‌وام له شوێنێكی تایبه‌ت به خۆیان جێبهێڵن و دووباره له‌كاتی ده‌وام كردنیان هه‌ڵیبگرنه‌وه، ئه‌وه‌ش هه‌نگاوێكی باش ده‌بێت بۆ كه‌م به‌كارهێنانی چه‌ك له لایه‌ن هاووڵاتییانه‌وه.
عوسمان كریم ئه‌وه‌شی خسته ڕوو: وه‌زاره‌تی ناوخۆی ھه‌رێم ماوه‌ی 6 مانگی دیاری كردووه كه له‌ئێستادا ته‌نها دوو هه‌فته‌ی ماوه بۆ ئه‌و ھاووڵاتییانه‌ی ھه‌ڵگری چه‌كی بێ مۆڵه‌تن و داوای لێ كردوون مۆڵه‌تی چه‌ك ده‌ربهێنن، بێگومان ئه‌وه‌ش به‌پێی یاسا و رێنماییه‌كان ده‌بێت.
Your Comment