بەپێی هەواڵی کوردپرێس: سولەیمان سۆیلۆ وەزیری ناوخۆی تورکیا لە وتەکانیدا ئاماژەی دا بە دۆخی پەنابەرانی ئەفغان لە ئێران و هەوڵی ئەو پەنابەرانە بۆ گەیشتن بە تورکیا دا و وتی: بەشێک لە پەنابەرانی ئەفغان لە ساڵانی ڕابردوودا گەڕاونەتەوە بۆ وڵاتەکەیان بەشێکی دیکەشیان هەوڵیان داوە بە شێوەی نایاسایی لە تورکیاوە بگوازرێنەوە بۆ ئەورووپا. لەمبارەوە لەگەڵ بەرپرسانی ئێرانی و ئەفغان دانووستان دەکەین.
ناوبراو لە درێژەدا وتی: حەفتەی ڕابردوو جێگری وەزیرانی ناوخۆی 6 وڵاتی ئێران، تورکیا، عێراق، ئەفغانستان، ئازەربایجان و پاکستان کۆبوونەوە و لەبارەی پرسی کۆچبەرانی نایاسایی، قاچاخ و تیرۆرەوە گفتوگۆیان کرد.
سۆیلۆ جەختی کردەوە: ئێران و تورکیا ڕازی بە پرسی کۆچبەرە نایاساییەکان نین و درێژە بە دانووستانەکانمان لەمبارەوە دەدەین.
کۆدی هەواڵنێر: 60113
Your Comment