بەپێی هەواڵی کوردپرێس ڕەجەب تەیب ئەردۆغان سەرۆککۆماری تورکیا لەگەڵ شاندێکی باڵای عێراقی دیداری کرد کە پێکهاتبوون لە محەمەد عەلی حەکیم وەزیری دەرەوەی عێراق و نجاح شمەری وەزیری بەرگری و مستەفا کازمی سکرتێری هەواڵگریی نیشتمانیی عێراق.

شاندە عێراقییەکە پێش ئەوەی لەگەڵ ئەردۆغان کۆ ببنەوە لەگەڵ هاوتا تورکەکانی خۆیان دیداریان کردبوو پاشان هاتبوونە کۆشکی سەرۆککۆماری تورکیا و بە یاوەریی هەریەک لە وەزیرانی بەرگری و دەرەوە و سکرتێری دەزگای هەواڵگری نیشتمانیی تورکیا ناسراو بە میت کۆبوونەوەیان لەگەڵ ئەردۆغان پێکهێنا.

لەبارەی وردەکاریی دیدارەکەوە زانیارییێکی ئەوتۆ بڵاو نەکراوەتەوە.