به‌پێی هه‌واڵی کوردپرێس، كاژێر 13:00ی پاشنیوه‌ڕۆی ڕۆژی هه‌ینی 5ی ته‌مووزی 2019 ئۆتۆمبێلێكی پارككراو له شه‌قامی محه‌ممه‌د عاكف ئارسۆی و نزیکه‌ی مزگه‌وتی جامێعی فاتح سوڵتان مێهمه‌ت له شارۆچكه‌ی ڕه‌یحانلی سنووریی سه‌ر به پارێزگای هاتای له باشووری توركیا ته‌قییه‌وه که به‌هۆیه‌وه سێ که‌س گیانیان له‌ده‌ست دا و دوای ڕووداوه‌که پۆلیسی تورکیا لێکۆڵینه‌وه‌کانی ده‌ست پێکرد و ئاشکرا بوو که مه‌به‌ست له‌و کرده‌وه تیرۆریستییه کردنه‌ئامانجی نوێژخوێنانی مزگه‌وته‌که بووه به‌ڵام ئۆتۆمبێله بۆمبڕێژکراوه‌که به‌بۆنه‌ی هه‌ڵه‌یێکه‌وه پێش له هاتنه‌ده‌ره‌وه‌ی نوێژخوێنان ته‌قییه‌وه.
هه‌روه‌ها هێزی به‌ره‌نگاربوونه‌وه‌ی تیرۆری تورکیا لێکۆڵینه‌وه‌کانی له‌باره‌ی ڕووداوه‌که -که گیان له‌ده‌ستدانی سێ هاووڵاتیی سووری لێکه‌وته‌وه- ده‌ست پێکرد و 16 که‌سی هاوپه‌یوه‌ند به ڕووداوه‌که‌وه ده‌ستگیر کرد که بۆ لێپێچنه‌وه ڕه‌وانه‌ی ناوه‌ندی سه‌رۆکایه‌تیی پۆلیسی ڕه‌یحانلی کراون.
سه‌رچاوه: هه‌واڵده‌ریی Diken
کۆدی هه‌واڵنێر: 60103
Your Comment