کوردپرێس:

محەمەد تەقی حولی ساز بەڕوێەبەری سەنتەری پزیشکیی دایرەی ئەوقافی ئێران ڕایگەیاند مامناوەندی تەمەنی حاجییانی ئەمساڵی ئێران 55 ساڵە کە کەم تەمەنترینیان ساوایێکی یەک ساڵانە و بەساڵاچووترینیشیان هاووڵاتییێکی 107 ساڵانی خەڵکی کوردستانە.

بەرپرسی تیمی پزیشکیی حاجییە ئێرانییەکان گوتیشی 71 هاووڵاتیی ئێرانی ئالوودە بوون بە مادەی هۆشبەر هەر بەو بۆنەیەشەوە مۆڵەتی سەفەرکردنیان پێ نەدراوە و ژمارەیێک لە حاجییانی دیکەش بەبۆنەی باری نەگونجاوی تەندروستییانەوە تا ئێستا سەفەرکردن یان نەکردنیان یەکلا نەبۆتەوە و چاوەڕوانین دۆخی تەندروستییان باشتر بێت بۆ ئەوەی مۆڵەتی سەفەرکردنیان بۆ حەجی ئەمساڵ دەربکرێت.

ناوبراو ئەوەشی ئاشکرا کرد کە 15 پزیشکی ئیرانیی شارەزای زمانی عەرەبی لە نەخۆشخانەکانی مەکە و مەدینە جێگیر کراون بۆ ئەوەی پشکنین و عیلاجی پزیشکی بۆ حاجیە نەخۆشە ئێرانییەکان بکەن.