بەپێی هەواڵی کوردپرێس، له ديدارەکەدا، سەرۆکی هەرێمی کوردستان وێڕای بەخێرهێنانی گەرمی شاندەکە، جه‌ختى لەسەر پەرەپێدانی په‌يوه‌ندييه‌کانى هه‌رێمى کوردستان و کۆمارى ئيسلاميى ئێران له‌ڕووى کولتوورى و ڕۆشنبيرييه‌وه، کردەوە. هیوای خواست پردی پەیوەندییە فەرهەنگییەکانی نێوان هەردوو گەل و وڵاتی دۆست و دراوسێ، هەرچی زیاتر پتەوتر بێت.
هەروەها لە دیدارەکەدا ئه‌مڕۆى نووسين و ئه‌ده‌بياتى کوردى و بزاوتى چاپ و بڵاوکردنه‌وه‌ى کوردى له هه‌رێمى کوردستان و ئێران و چه‌ند بابه‌تێکى په‌يوه‌ست به‌م بواره‌وه، تاوتوێ کران و بيروڕايان له‌باره‌يه‌وه ئاڵوگۆڕ کرا.
له ديداره‌که‌دا تيشک خرايه سه‌ر هه‌وڵى کۆکردنه‌وه‌ى به‌ڵگه‌نامه‌کانى په‌يوه‌ست به مێژووى کوردستان و شۆڕشه‌کانييه‌وه له ئه‌رشيفخانه‌کانی وڵاتانى دراوسێ و جيهاندا و له‌مباره‌يه‌وه کار و کۆششى ئه‌نستيتۆى کوردستان له تاران و به‌ڕێز بارامى وه‌ڵه‌دبەگی و هاوکارانى بۆ کۆکردنه‌وه‌ى به‌ڵگه‌نامه‌کان و له‌چاپدانيان به‌رز نرخێنرا.
شاندى میوان ستایشی ڕوانگەی ئاشتیخوازانە و هەوڵە سیاسی و دیپلۆماسییەکانی به‌ڕێز سەرۆکی هەرێمى کوردستانیان لەسەر ئاستەکانی ناوخۆی کوردستان و عيراق و ناوچەکە کرد و هیوای سەرکەوتنیان بۆ خواست.
شایانی باسە ئەو شاندە ئێرانییە بۆ به‌شدارى له ڕێوڕه‌سمى ناساندنى زنجيره په‌رتووکێکى به‌ڵگه‌نامه‌ييدا ده‌رباره‌ى شۆڕشه‌کانى بارزان، سه‌ردانى هه‌رێمى کوردستانيان کردبوو.
Your Comment