بەپێی هەواڵی کوردپرێس، ماڵپەڕی فەرمیی سەرۆکایەتیی هەرێمی کوردستان پایەمێکی نێچیرڤان بارزانی لەبارەی هێرشی سەر هەولێر بڵاو کردەوە کە تیایدا هاتووە: ئێمه له سه‌رۆکایه‌تیی هه‌رێمی کوردستان له‌و بڕوایه‌داین که دووباره‌بوونه‌وه‌ی ئه‌م کرده‌وه تیرۆریستییانه زیان به سه‌قامگیریی ئاسایش و دۆخی سیاسیی عیراق به شێوه‌یه‌کی گشتی و ناوچه‌که ده‌گه‌یه‌نێت و خزمه‌ت به دوژمنانی هه‌رێمی کوردستان و عیراق ده‌کات.
سه‌رۆکایه‌تیی هه‌رێمی کوردستان وه‌ک هه‌موو جارێک پشتگیریی ئه‌وه ده‌کات که هه‌ماهه‌نگی و هاوکاریی نێوان ده‌زگاکانی ئه‌منیی هه‌رێمی کوردستان و حکوومه‌تی فیدراڵی عیراق زیاتر تۆکمه بکرێن به‌مه‌به‌ستی دۆزینه‌وه‌ی ئه‌و که‌س و لایه‌نانه‌ی که ده‌ستیان له‌م جۆره هێرشانه‌دا هه‌یه، هه‌روه‌ها داوا له لایه‌نه په‌یوه‌نداره‌کانی عیراق و کۆمه‌ڵگه‌ی نێوده‌وڵه‌تیش ده‌که‌ین بۆ ڕێگه‌گرتن له دووباره‌بوونه‌وه‌ی ئه‌م هێرشانه، هه‌وڵ و هه‌نگاوی جددی هه‌ڵگرن که ئه‌مه‌ش کاریگه‌ری زۆری بۆ سه‌قامگیریی ناوچه‌که به شێوه‌یه‌کی گشتی ده‌بێت.
Your Comment