بەپێی هەواڵی کوردپرێس، بەیانیی ئەمڕۆ لەنێوان شارەکانی مەشهەد و یەزد لە ڕۆژهەڵاتی ئێران شەمەندەفەرێک لەسەر ڕێڕەوی خۆی لایداوە و بەهۆیەوە 13 سەرنشین گیانیان لەدەست داوە و 50ی تریش بریندار بوون کە دۆخی 15 کەسیان سەختە.

شەمەندەفەرەکە لە دووری 50 کیلۆمەتر لە شاری تاباس لەنێوان مەشهەد و یەزد لەسەر ڕێڕەوی خۆی لایداوە.

لە کۆی حەوت فارگۆن، سێ فارگۆنی شەمەندەفەرەکە لەسەر ڕێڕەوەکەی خۆیان لایان داوە، 10 ئۆتۆمبێل و 3 هێلیکۆپتەری فریاگوزاری گەیشتوونەتە شوێنی ڕووداوەکە.