هاریکاری هەرێمی کوردستان لەگەڵ بەریتانیا بۆ ڕێگری کردن لە کۆچی نایاسایی کوردەکان

بەشی جیهان- سەرۆکی حکوومەتی هەرێمی کوردستان لەگەڵ وەزیری ناوخۆی بەریتانیا کۆبووەوە و وەزیرەکەی بەریتانیا باسی لە هاریکاری و هاوئاهەنگیی حکوومەتی هەرێمی کوردستان و بەریتانیا کرد لە پرسی کۆچی نایاسایی.

بەپێی هەواڵی کوردپرێس، رۆژی چوارشەممە 20ی نیسانی 2022 مەسروور بارزانی، سەرۆکی حکوومەتی هەرێمی کوردستان لە چوارچێوەی سەردانەکەیدا بۆ بەریتانیا لەگەڵ پریتی پاتێل، وەزیری ناوخۆی بەریتانیا کۆبووەوە.

لەو دیدارەدا پاتێل خواستی وڵاتەکەشی بۆ پەرەپێدانی هاریکاری و هەماهەنگیی لەگەڵ حکوومەتی هەرێمی کوردستان لە بوارەکانی ئەمنی، کۆچی نایاسایی و رووبەڕووبوونەوەی تاوانی رێکخراو دووپات کردووەتەوە.

هاوکات مەسروور بارزانی، سەرۆکی حکوومەتی هەرێمی کوردستان جەختی لە گرنگیی گرتنەبەری رێکاری یاسایی بەرامبەر ئەو گرووپ و باندانەی بازرگانی بە مرۆڤ دەکەن کردووەتەوە و ئاماژەی بەوە داوە، "ناسەقامگیریی دۆخی ئەمنی و هەڕەشەکانی تیرۆر، یەکێکە لە هۆکارەکانی زیادبوونی کۆچبەری".

News Code 5777

Your Comment

You are replying to: .
captcha