بەپێی هەواڵی کوردپرێس، عه‌لى باپیر سه‌رۆكى كۆمه‌ڵى دادگه‌رى له‌ هه‌رێم له‌میانى كۆبوونه‌وه‌ى له‌گه‌ڵ كه‌سوكارى قوربانیان ‌و بێسه‌روشوێنانى ده‌ریاى ئیجه‌ ڕایگه‌یاند: "ئه‌وانه‌ى كۆچ ده‌كه‌ن به‌ناچاریى ئه‌و ڕێگه‌یان گرتۆته‌به‌ر و له‌خۆشییا ڕێگه‌ى غوربه‌تیان نه‌گرتۆته‌به‌ر".

ناوبراو وتیشى: "ئه‌گه‌ر هۆكارى پشتى لێشاوى كۆچ ڕێگه‌ى لێنه‌گیرێت، ئه‌وا له‌ داهاتوودا زیانى گه‌وره‌ى به‌دوادا دێت ‌و ده‌رئه‌نجامه‌كه‌شى تێكچوونى سه‌قامگیری سیاسی ‌و كۆمه‌ڵایه‌تى ‌و دارایی ‌و نه‌مانى زیاترى متمانه‌ى خه‌ڵكه‌ به ‌حكوومه‌ت كه‌ ده‌ستیان به‌سه‌ر زۆر سێكته‌رى ژیاندا گرتووه‌".

سه‌رۆكى كۆمه‌ڵ ئه‌وه‌شی خسته‌ڕوو، ئه‌وانیش لاى خۆیانه‌وه‌ هه‌وڵ ده‌ده‌ن بۆ گه‌ڕاندنه‌وه‌ى ته‌رمى قوربانیه‌كان.