بەپێی هەواڵی کوردپرێس، حوسێن ئەمیر عەبدولڵاهیان، وەزیرى دەرەوەى کۆمارى ئیسلامیى ئێران و فوئاد حوسێن، وەزیرى دەرەوەى عێراق بە تەلەفۆن قسەیان کرد.

بەگوێرەى راگەیێندراوێکى وەزارەتى دەرەوەى کۆمارى ئیسلامیى ئێران، هەردوو وەزیر جەختیان لەسەر ئەوە کردووەتەوە، کە پەلە بکرێت لە جێبەجێ کردنى رێکەوتنەکانى نێوانیان.

بەپێی راگەیێندراوەکە لە پەیوەندییە تەلەفۆنییەکەدا، وەزیری دەرەوەی ئێران داوەتنامەیەکی ئاراستەی هاوتا عێراقییەکەی کردووە، بۆ ئەوەی سەردانی کۆماری ئیسلامیی ئێران بکات.