به‌پێی هه‌واڵی کوردپرێس، فه‌رهاد ئینجۆ نوێنه‌ری پێشووی شڕناخ له‌ په‌رله‌مانی تورکیا و سه‌ر به‌ پارتی دیموکراتی گه‌لان له‌ زیندانی کاندرا ئازاد کرا.

فه‌رهاد ئینجۆ که‌ مانگی فێبریوێری 2017ی زایینی له‌ زیندان ئازاد کرابوو به‌ دوای دوو ڕۆژ و پاش ناڕه‌زایه‌تیی دادستێن جارێکی دیکه‌ ده‌ستگیر و ڕه‌وانه‌ی زیندانی کاندرا کرا و له‌ دانیشتنی دادگه‌دا به‌ تۆمه‌تی به‌ڕێوه‌بردنی گردبوونه‌وه‌ و ڕێپێوانی نایاسایی، ئیداره‌کردن و به‌شداری له‌ ڕێپێوان و ئه‌ندامێتی له‌ گرووپی تیرۆریستی حوکمی 4 ساڵ و 7 مانگ و 10 ڕۆژ زیندانی بۆ ده‌رکرا.

ناوبراو پاش هه‌وڵ و داپه‌ڕی پارێزه‌رانی له‌ ئه‌نجامدا دوێنێ هه‌ینی 14ی حوزه‌یرانی 2019 له‌ زیندانی کاندرا ئازاد کرا.

سه‌رچاوه‌: ڕۆژنامه‌ی دیوار

کۆدی هه‌واڵنێر: 60103