به‌پێی هه‌واڵی کوردپرێس، کۆمپانیای سه‌ربازیی ڕۆستک (Rostec)ی ڕووسیا سه‌ر به‌ وه‌زاره‌تی به‌رگریی ئه‌و وڵاته‌ له‌ په‌یامێکدا به‌ شێوه‌ی فه‌رمی واده‌ی ڕاده‌ست‌کردنی سیسته‌می به‌رگریی مووشه‌کیی S-400ی ڕووسی به‌ تورکیای ڕاگه‌یاند که‌ له‌مدواییانه‌دا بۆته‌ بابه‌تی موناقه‌شه‌ی نێوان تورکیا و ویلایه‌ته‌ یه‌کگرتووه‌کانی ئه‌مریکا.

سه‌رۆکی کۆمپانیا سه‌ربازییه‌که‌ی ڕووسیا له‌ په‌یامه‌که‌یدا گوتیشی: تا دوو مانگی‌تر سیسته‌می مووشه‌کیی S-400 ڕاده‌ستی تورکیا ده‌که‌ین و ئه‌مه‌ش له‌ حاڵێکدایه‌ له‌ کاتی واژۆکردنی ڕێککه‌وتننامه‌ی نێوان تورکیا و ڕووسیا له‌سه‌ر کڕینی ئه‌و سیسته‌مه‌ مووشه‌کییه‌ واده‌ی ڕاده‌ست‌کردنه‌که‌ی به‌ ساڵی 2020ی زایینی ڕاگه‌یێندرابوو.

شایانی باسه‌؛ گوشاره‌کانی ئه‌مریکا بۆ نه‌کڕینی سیسته‌می مووشه‌کیی S-400ی ڕووسی له‌لایه‌ن تورکیاوه‌ په‌ره‌ی سه‌ندووه‌ و له‌مدواییه‌دا پێنتاگۆن ڕای‌گه‌یاندبوو که‌ "هیوادارین تورکیا له‌ کڕینی سیسته‌می S-400 پاشگه‌ز بێته‌وه‌."

سه‌رچاوه‌: هه‌واڵده‌ریی هابر 7

کۆدی هه‌واڵنێر: 60103