بەپێی هەواڵی کوردپرێس، لە میدالێکدا کە لە لایەن پێنتاگۆنەوە دراوەتە مستەفا بالی، لە فەرماندە باڵاکانی هێزی سووریای دیموکرات نووسراوەی "باشترین شەریکی هەموو دەوران" ئاوڕی میدیاکانی بۆ خۆی ڕاکێشاوە.

فەیاز عەسمەر، هاوسەرۆکی ئەنجومەنی خۆجێیی ڕەقە پاش کۆبوونەوەکە بە هەواڵنێرانی وت: لە ناوچەکانی ژێر کونترۆڵی هێزەکانی سووریای دیموکراتدا ئەمریکا 35 کەمپی ڕاهێنانی سەربازیی دامەزراندووە کە زیاتر لە 60 هەزار هێزی سەربازی لەم کەمپانەدا مەشقیان پێکراوە. پشتگیرییە سەربازییەکانی ئەمریکا بۆ هێزەکانی سووریای دیموکرات درێژەی هەیە و هاوکاریی ئەمریکا و هێزەکانی سووریای دیموکرات تەنها لە عێراق و سووریا سنووردار ناکرێت.

پێدانی میدالیای خزمەتگوزارییە بەرجەستەکانی ئەرتەشی ئەمریکا بە فەرماندەکانی هێزەکانی سووریای دیموکرات کاردانەوەیێکی توندی لەلایەن میدیاکانی سەربە دەوڵەتی تورکیا لێکەوتۆتەوە و ڕۆژنامەی یێنی شەفەق ئەو هەوڵەی وەکوو سوپاسگوزاریی پێنتاگۆن لە پەکەکە وەسف کردووە.

سەرچاوە: هابر 7

کۆدی هەواڵنێر: 60113