کوردپرێس:

بەگوێرەی ئەو زانیارییانەی لە وەزارەتی دەرەوەی ڕووسیا دەست کەوتوون ڕۆژی 22ی ئایاری 2019لە ناوچەی ئیدلیبەوە هێرش کراوەتە سەر بنکەی ئاسمانیی حەمیم کە بنکەیێکی سەربازیی ڕووسیایە لە خاکی سووریا.

ناوچەی ئیدلیب بە دەست تیرۆریستانی "تحریرالشام"ەوەیە و لەو ڕووبەرەوە بە مووشەک هێرش کراوەتە سەر بنکە سەربازییەکەی ڕووسیا و 17 مووشەکیان لەو بنکە سەربازییەی پارێزگای لازقیە داوە.

لە 17 مووشەکە هاوێژراوەکە 8 مووشەکیان لە دەوروبەری بنکە سەربازییەکەی ڕووسیای داوە و 9ی دیکەشیان بە سیستەمی بەرگریی مووشەکی تێکشکێنران.

شایانی باسە بنکەی ئاسمانیی حەمیمیمی ڕووسیا ماوەی چەند مانگێکە هێرشی تیرۆریستیی زۆری کراوەتە سەر و ئەوەش پاش پەرەسەندنی گرژییەکان ئیدلیب دەستی پێکرد.