به‌پێی هه‌واڵی کوردپرێس، چه‌کدارانی گرووپی تیرۆریستیی داعش ئۆتۆمبێلێکی بۆمبڕێژکراویان له به‌رده‌م بینای ئه‌نجومه‌نی سه‌ربازیی مه‌نبه‌جدا ته‌قانده‌وه که کوژران و برینداربوونی چه‌ندین که‌سی به‌دواوه بوو.
میدیاکانی نزیک له گرووپی تیرۆریستیی داعش ڕایان‌گه‌یاندووه که له ته‌قینه‌وه‌که‌دا 6 هێزی سه‌ر به یه‌کینه‌کانی پاراستنی گه‌ل (YPG) کوژراون و 14 هێزی دیکه‌ش بریندار بوونه.
ئه‌مه‌ش له حاڵێکدایه که سه‌رچاوه خۆجێیییه‌کان ڕوودانی ته‌قینه‌وه‌ی ئۆتۆمبێلی بۆمبڕێژکراو پشتڕاست ده‌که‌نه‌وه و باس له کوژرانی منداڵێک و برینداربوونی 6 که‌سی‌تر ده‌که‌نه‌وه.
هه‌روه‌ها سه‌رچاوه خۆجێیییه‌کان باس له ڕوودانی ته‌قینه‌وه‌یێکی دیکه له ناوچه‌ی گرێسپی سووریا ده‌که‌ن که به‌هۆیه‌وه هێزێکی ئاسایشی YPG و هاووڵاتییێکی سڤیل کوژران.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment