سه‌یید قاسم جاسمی له دیمانه‌یێکدا له‌گه‌ڵ کوردپرێس باس له‌وه ده‌کات که له کاتی لێکدانه‌وه‌ی ڕێککه‌وتنی ئه‌تۆمی وڵاتێک وه‌ک ئه‌ڵمانیا په‌یوه‌ندییێکی باشی له‌گه‌ڵ ئێران بوو و گوتی: سه‌ره‌ڕای ئه‌وه‌ی که ئه‌ڵمانیا و ئه‌مریکا په‌یوه‌ندییان به‌یه‌که‌وه هه‌یه له‌وانه ئاڵوگۆڕی دۆلار به‌ڵام نایهه‌وێت ته‌سلیمی سیاسه‌ته‌کانی ئه‌مریکا بێت. له‌م ڕووه‌وه له‌و کاته‌ی که ئه‌مریکا له ڕێککه‌وتنی ئه‌تۆمی کشایه‌وه و سزای به سه‌ر ئێران و وڵاتانی هاوکاریی ئێمه سه‌پاند ئه‌ڵمانییه‌کان هه‌وڵیان دا هه‌ندێک بابه‌ت نادیده بگرن و په‌یوه‌ندیی خۆیانیان له ڕێککه‌وتنی ئه‌تۆمی له‌گه‌ڵ ئێران پاراست.
ناوبراو ڕاشی‌گه‌یاند: گرنگه وڵاتانی ئه‌ورووپا به‌تایبه‌ت ئه‌ڵمانیا به‌و ئه‌نجامه بگه‌ن که ده‌وڵه‌تی ئه‌مریکا وڵاتێکی متمانه‌پێکراو بۆ ئه‌وانیش نییه هه‌روا که ئه‌مریکا چه‌ند مانگی ڕابردوو له چه‌ندین ڕێککه‌وتننامه‌ی نێوده‌وڵه‌تی کشایه‌وه و باجی له‌سه‌ر هاورده‌ی کاڵای چه‌ندین وڵات دانا و زۆربه‌ی وڵاتانی ئه‌ورووپای به‌ره‌وڕووی زه‌ره‌ر کرده‌وه.
سه‌یید قاسم جاسمی جه‌ختی کرده‌وه: نابێت ئه‌ڵمانییه‌کان به‌م ئاسانییه ته‌سلیمی سیاسه‌ته‌کانی ئه‌مریکا بن و ده‌بێ وڵاتانی ئه‌ورووپی یه‌کبگرن و ئێران بکه‌نه کارتێک بۆ پاراستنی به‌رژه‌وه‌ندییه‌کانیان بۆ ئه‌وه‌ی ڕێگری له خه‌ساره‌کانی ئه‌مریکا بکه‌ن.
ئه‌ندامی کۆمیسیۆنی ئاسایشی نیشتیمانیی په‌رله‌مانی ئێران ئاماژه به‌وه ده‌کات که سه‌رجه‌م وڵاتانی جیهان له په‌یوه‌ندییه نێوده‌وڵه‌تییه‌کاندا پاراستنی به‌رژه‌وه‌ندیی ئابووری و داراییی وه‌ک یه‌که‌مایه‌تیی خۆیان داده‌نێن و گوتیشی: ناتوانین چاوه‌ڕوان بین ئه‌ڵمانیا واز له به‌رژه‌وه‌ندییه‌کانی خۆی بهێنێت و ته‌نها به‌رژه‌وه‌ندیی ئێمه له‌به‌رچاو بگرێت هه‌ر بۆیه دوو لایه‌ن هه‌وڵه‌کانیان بۆ مامه‌ڵه‌یێکی براوه- براوه چڕ ده‌که‌نه‌وه.
کۆدی هه‌واڵنێر: 60103
Your Comment