به‌پێی هه‌واڵی کوردپرێس، ئه‌ندامانی کۆنفیدراسیۆنی سه‌ندیکای گشتیی کرێکارانی تورکیا یه‌ک له چوار سه‌ندیکای نیشتیمانیی سه‌ره‌کیی تورکیا که ده‌یانویست پشتیوانی له مانگرتووانی ناڕازی به گۆشه‌گیریی سه‌ر عه‌بدوڵڵا ئۆجه‌لان بکه‌ن به‌ره‌وڕووی کاردانه‌وه‌ی توندی پۆلیسی تورکیا بوونه‌وه.
ئه‌م خۆپیشاندانانه که له دوو ڕۆژ پێش ئێستاوه له‌لایه‌ن کۆنفیدراسیۆنه‌وه به‌رنامه‌ی بۆ داڕێژرابوو له‌گه‌ڵ کاردانه‌وه‌ی توندی پۆلیسی تورکیا به‌ره‌وڕوو بوویه‌وه و به دوای ده‌ستێوه‌رانی پۆلیس و ڕێگه‌نه‌دان به به‌ڕێوه‌بردنی خۆپیشاندان، ئه‌ندامانی کۆنفیدراسیۆنه‌که کۆنفڕانسی ڕۆژنامه‌وانییان ساز کرد که ئه‌م کۆنفڕانسه‌ش کاردانه‌وه‌ی توندی پۆلیسی لێکه‌وته‌وه.
هێزه‌کانی پۆلیسی ئامه‌د سه‌ره‌ڕای ده‌ستێوه‌ردان له به‌ڕێوه‌چوونی کۆنفڕانسی ڕۆژنامه‌وانیی ئه‌ندامانی کۆنفیدراسیۆنی سه‌ندیکای گشتیی کرێکارانی تورکیا 27 که‌سیان هاوپه‌یوه‌ند به‌و بابه‌ته ده‌ستگیر کرد.
سه‌رچاوه: هه‌واڵده‌ریی Diken
کۆدی هه‌واڵنێر: 60103
Your Comment