بەپێی هەواڵی کوردپرێس، سەرچاوەكانی هەواڵ بڵاویان كردوەتەوە، بڕیارە بەمنزیكانە شاندێكی باڵای وەزارەتی بازرگانی و پیشەسازیی هەرێمی كوردستان سەردانی بەغدا بكات.

سەردانی شاندەكە بۆ چارەسەركردنی ئەو كێشانەیە، كە سەبارەت بە رێگەپێدان و هاوردەكردن لەنێوان هەرێم و بەغدا هەیە، هەروەها بڕیارە دوو هەفتە دوای ئەوەش شاندێكی وەبەرهێنەرانی هەرێم بەهەمان شێوە سەردانی بەغدا بكەن.

بەپێی ئەو سەرچاوانە، بڕیارە لەماوەی مانگێكدا شاندێكی دیكەی بەڕێوەبەرایەتی گشتی باج سەردانی بەغدا بكات، هەروەها شاندی چوارەمیش ئەنجومەنی باڵای نەوت و غازی هەرێم دەبێت و بەمنزیكانە بۆ چارەسەركردنی كێشەكانی تایبەت بەهەناردەكردنی نەوت سەردانی بەغدا دەكات.

سەرچاوە: ڕادیۆ نەوا

کۆدی هەواڵنێر: 60113