کوردپرێس:

به‌پێی ئه‌و ڕاگه‌یه‌ندراوه‌ی له‌ فه‌رمانگه‌ی سه‌رۆکایه‌تیی په‌یوه‌ندییه‌کانی سه‌رۆکایه‌تیی کۆماری تورکیا بڵاو کراوه‌ته‌وه‌ ڕه‌جه‌ب ته‌ییب ئه‌ردۆغان سه‌رۆک کۆماری تورکیا له‌ میانی په‌یوه‌ندییه‌ ته‌له‌فۆنییه‌که‌یدا له‌گه‌ڵ دۆناڵد تره‌مپ سه‌رۆک کۆماری ئه‌مریکا پێشنیازی دروست کردنی کارگرووپێکی تایبه‌تی خستووه‌ته‌ڕوو به ‌مه‌به‌ستی ده‌سته‌به‌رکردنی سیسته‌می به‌رگریی ئاسمانیS-400 .

له‌ به‌شێکی دیکه‌ی په‌یوه‌ندییه‌ ته‌له‌فۆنییه‌که‌ی نێوان ئه‌ردۆغان و تره‌مپدا پرسه‌ دووقۆڵییه‌کان و ناوچه‌ییه‌کان تاوتوێ کران و ئامانجی 75 ملیار دۆلاری له‌ قه‌باره‌ی بازرگانیدا جه‌ختی له‌سه‌ر کرایه‌وه.

هه‌روه‌ها له‌ میانی په‌یوه‌ندییه‌ ته‌له‌فۆنییه‌که‌ی نێوان سه‌رۆک کۆمارانی تورکیا و ئه‌مریکادا پێشھاته‌کانی سووریا تاوتوێ کران و ڕێککه‌وتن له‌سه‌ر به‌رده‌وامیدان به‌ ھاریکاری نزیکیی دوو وڵات بۆ به‌ره‌نگاربوونه‌وه‌ی تیرۆر کرا.

ھاوکات ئه‌ردۆغان ئیدانه‌ی ئه‌و ھێرشه‌ تیرۆریستییه‌ی کرد که‌ له‌ شاری ساندیاگۆی ئه‌مریکا ئه‌نجام درا و سه‌ره‌خۆشی خۆی ئاراسته‌ی گه‌لی ئه‌مریکا کرد.

سه‌رچاوه‌: ته‌له‌فزیۆنی NTV

کۆدی هه‌واڵنێر: 60103