کوردپرێس:
مۆرگان ئۆرتاگوس وته‌بێژی وه‌زاره‌تی ده‌ره‌وه‌ی ئه‌مریکا له‌باره‌ی په‌یوه‌ندییه ته‌له‌فۆنییه‌که‌ی ڕۆژی سێشه‌ممه 23ی نیسانی 2019ی نێوان مایک پۆمپیۆ و عادل عه‌بدولمه‌ھدی ڕاگه‌یه‌ندراوێکی بڵاو کرده‌وه و تیایدا ئاماژه‌ی به‌وه کرد ھه‌روه‌ک له چوارچێوه‌ی ڕێککه‌وتنی ستراتێژیی هاوبه‌ش ئاماژه‌ی پێکراوه مایک پۆمپیۆ دووباره پشتیوانیی ئه‌مریکای بۆ عێراقێکی به‌ھێز و خۆشگوزه‌ران دووپات کردووه‌ته‌وه.
ناوبراو ئاماژى به‌وه‌ش کرد که پۆمپیۆ پێشنیازی به‌ستنی په‌یوه‌ندیی باشی له‌گه‌ڵ وڵاتانی عه‌ره‌بی دراوسێی عێراق بۆ عه‌بدولمه‌ھدی کردووه.
هاوکات له په‌یوه‌ندییه ته‌له‌فۆنیه‌که‌دا جه‌ختیش له‌وه کراوه‌ته‌وه که ئه‌مریکا و عێراق پێکه‌وه به‌رده‌وام ده‌بن له به‌ره‌نگاربوونه‌وه‌ی داعش تا ئه‌و کاته‌ى به‌ته‌واوه‌تى جێ پێى ئه‌و ڕێکخراوه له عێراق ده‌سڕنه‌وه.
ئه‌م هه‌واڵه له میدیاکانی هه‌رێمی کوردستان وه‌رگیراوه
کۆدی هه‌واڵنێر: 60103
Your Comment