کوردپرێس:
به گوێره‌ی ئه‌و زانیارییانه‌ی ده‌ست که‌وتوون له ناوچه‌ی ته‌ل ڕه‌فعه‌ته‌وه هێزه‌کانی YPG هێرشیان کرده سه‌ر بنکه و باره‌گای تورکیا له ناوچه‌ی کیماری باشووری عه‌فرین که دواتر شه‌ڕێکی قورس له نێوان هه‌ردوولا ڕووی دا.
له پێکدادانه‌که‌دا که‌ره‌سته‌یێکی ڕێگاوبانی سوپای تورکیا له ڕێگای مووشه‌کی زیره‌کی هێزه‌کانی YPGوه کرایه ئامانج که هێزه‌کانی سوپای تورکیا وه‌ڵامی هێرشه‌که‌یان دایه‌وه و بنکه‌ی یه‌په‌گه‌یان له ته‌ل ڕه‌فعه‌ت کرده ئامانج.
ئامارێکی دروست له خه‌ساره‌کانی هه‌ردوولا بڵاو نه‌کراوه‌ته‌وه به‌ڵام زانیارییه خۆجێییه‌کان باس له کوژران و برینداربوونی هیزه‌کانی هه‌ردوولا ده‌کات.
شایانی باسه؛ چه‌ند ڕۆژ پێش ئێستا میدیاکانی نزیک له حکوومه‌تی سووریا هه‌واڵگه‌لێکیان سه‌باره‌ت به کشاندنه‌وه‌ی هێزه‌کانی ڕووسیا له ته‌ل ڕه‌فعه‌ت و جێگیربوونی هێزه‌کانی ده‌وڵه‌تی ناوه‌ندیی سووریا له‌و ناوچه‌یه بڵاو کردبوو.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment