بەپێی هەواڵی کوردپرێس بەختیار ڕەحمانی پوور بەڕێوەبەری گشتیی گومرگەکانی پارێزگای کوردستان لەو بارەیەوە ڕایگەیاند: ساڵی پار لە گومرگی سنەوە هەزار و 89 تەن کەلوپەل لە عێراق و هەرێمی کوردستانەوە هاوردە کراوە کە نرخەکەی دەگاتە 30 ملوێن و 951 هەزار و 367 دۆلار.

ڕەحمانی ڕوونیشی کردەوە هەر لە ماوەی ساڵی پاردا بە ڕێژەی 12 هەزار و 770 تەن کەلوپەل بۆ نێو ئێران هاوردە کراوە کە نرخەکەی 14 ملوێن و 824 هەزار و 325 دۆلار بووە و ئەو ئامارەش لە چاو ماوەی هاوشێوەی ساڵی ڕابردووی سەدا 79 دابەزینی بە خۆوە بینیوە.

ڕەحمانی پوور گوتیشی ساڵی پێشووتر بە ڕێژەی 45 ملوێن و 775 هەزار و 692 دۆلار کاڵا لە گومرگەکانی پارێزگای سنەوە هاوردە کرابوو و زیاترین بەرهەمی هاوردەکراویش لە 5 وڵاتی عێراق و تورکیا و ئەڵمانیا و سوویسڕا و نەمساوە بوو و لەو ڕێژەیەش 35 لە سەدی بەتەنیا بەرهەمی وڵاتی عێراق و 27 لە سەدیش بەرهەمی وڵاتی تورکیا بوو.