کوردپرێس: ناسر هه‌ركی، ئەندامی لیژنەی ئاسایش و بەرگریی پەرلەمانی عێراق بە تەلەفیزیۆنی رووداوی راگەیاند: ''عادل عەبدولمەهدی، سەرۆک وەزیرانی عێراق و وەک وەزیری بەرگریی عێراق بە وەکالەت بڕیاری خەرجکردنی مووچەی چوار مانگی هێزەکانی پێشمەرگەی واژۆکرد لە 1/1/2019 تاوەکوو ئێستا، کە کۆی گشتی دەکاتە 816 ملیار دینار و داوای کردووە پارەکە لەلایەن وەزارەتی دارایی عێراقەوە خەرج بکرێت و رەوانەی هەرێمی کوردستان بکرێت''.

ناسر هه‌ركی، کە هاوکات پەرلەمانتاری فراکسیۆنی پارتی دیموکراتی کوردستانە ئاماژەی بەوەکرد، پێشتر وەزارەتی بەرگریی عێراق بە پاساوی نەبوونی داتا و زانیاری لەبارەی هێزەکانی پێشمەرگە، بڕیاری خەرج کردنەکە دواخستبوو، بەڵام دواجار عادل عەبدولمەهدی وەک وەزیری بەرگریی عێراق بە وەکالەت واژۆی لەسەر بڕیارەکە کرد.

کۆدی هەواڵنێر: 60113