به‌ختیار ڕه‌حمانی‌پوور به‌ڕێوه‌به‌ری گشتیی گومرکی پارێزگای کوردستان له‌ گفتوگۆ له‌گه‌ڵ ئاژانسی کوردپرێسدا ئاماژه‌ی به‌ ژماره‌ی ئه‌و گه‌شتیارانه‌ کرد که‌ له‌ ڕێگای سنووری باشماخ و له‌ ئێرانه‌وه‌ چوونه‌ته‌ هه‌رێمی کوردستان و ژماره‌ی گه‌شتیاره‌کانی به‌ 19 هه‌زار و 127 که‌س ڕاگه‌یاند و گوتیشی: له‌ ڕۆژی 1ی خاکه‌لێوه‌ تا 17ی خاکه‌لێوه‌ی 1398 هه‌زار و 38 ئۆتۆمبێل له‌ ڕێگای سنووری باشماخه‌وه‌ هاتوونه‌ته‌ ناو ئێران و 988 ئۆتۆمبێلیش له‌ ڕێگای ئه‌و سنووره‌وه‌ چوونه‌ته‌ هه‌رێمی کوردستان.

ناوبراو بایه‌خی کاڵا هه‌نارده‌کراوه‌کان له‌ 12 مانگی ساڵی 97 له‌ گومرکه‌کانی پارێزگا به‌ یه‌ک میلیار و 984 ملیۆن و 433 هه‌زار ڕاده‌گه‌یێنێت و ده‌ڵێت: کاڵا هه‌نارده‌کراوه‌کان له‌ ڕووی کێشه‌وه‌ 42 له‌سه‌د و له‌ ڕووی بایه‌خه‌وه‌ 85 له‌سه‌د له‌ چاو ماوه‌ی هاوشێوه‌ی ساڵی ڕابردوو گه‌شه‌یان سه‌ندووه‌.

ده‌روازه‌ی سنووری باشماخ له‌ نێوان ئێران و هه‌رێمی کوردستاندا یه‌ک له‌ ده‌روازه‌ ستراتێژییه‌کانی ئێرانه‌ که‌ ده‌که‌وێته‌ سنووری شاری مه‌ریوان و ساڵانه‌ به‌ ڕێژه‌یێکی فراوان ئاڵوگۆڕی بازرگانی و هاوتوچۆی گه‌شتیار له‌و ده‌روازه‌ سنوورییه‌وه‌ ئه‌نجام ده‌بێت و به‌تایبه‌ت له‌ پشووه‌کانی نه‌ورۆزدا گه‌شتیارانی ئێرانی له‌و ده‌روازه‌ سنوورییه‌وه‌ سه‌ردانی هه‌رێمی کوردستان ده‌که‌ن و به‌شداری ئاهه‌نگه‌کانی نه‌ورۆز ده‌بن.

کۆدی هه‌واڵنێر: 60103