به‌پێی هه‌واڵی کوردپرێس، ڕۆژی یه‌کشه‌ممه 7ی نیسانی 2019 موقته‌دا سه‌در له توویتێکدا له هه‌ژماری خۆی له تۆڕی کۆمه‌ڵایه‌تیی توویته‌ردا هاوپه‌یوه‌ند به داخوازییه‌کان بۆ به‌هه‌رێم بوونی هه‌ندێک پارێزگای عێراق نووسیی: "لێپرسراوانی هه‌رێم ده‌ستکراوه‌تر ده‌بن بۆ دزی کردن و له ناو گه‌نده‌ڵی و زوڵم و زۆردا نقوم ده‌بن، دواجار خۆیان فه‌رز ده‌که‌ن به سه‌ر ئێمه و ئێوه‌شدا."
موقته‌دا سه‌در نووسیویه‌تی: "لێپرسراوه‌کانی هه‌رێم به‌رچاوته‌نگ و چاوچنۆک ده‌بن له ناو و ده‌ره‌وه و زیاتر له ئێوه کۆنترۆڵی خێر و بیری وڵات ده‌که‌ن و له کۆتاییشدا لاوازتان ده‌که‌ن و دواتریش به ته‌واوی هه‌ژموونی خۆیان ده‌سه‌پێنن به سه‌رتاندا."
سه‌رۆکی ڕه‌وتی سه‌در له په‌یامه‌که‌یدا داوای له گه‌لی عێراق کردووه پارێزگاریی له گه‌ل و خاکی عێراقی یه‌کپارچه و یه‌کگرتووی خۆیان بکه‌ن؛ ئه‌مه ئامۆژگاریی من به ئێوه‌یه و بڕیاری یه‌که‌م و کۆتاییش لای گه‌له.
ئه‌و وتانه‌ی موقته‌دا سه‌در له کاتێکدایه داخوازییه‌کان بۆ به‌هه‌رێم بوونی پارێزگای به‌سره له باشووری عێراق ماوه‌یێکه سه‌ری هه‌ڵداوه‌ته‌وه.
سه‌رچاوه: سۆمه‌ریه نیووز
کۆدی هه‌واڵنێر: 60103
Your Comment