بەپێی هەواڵی کوردپرێس، مه‌حموود محه‌مه‌د وته‌بێژى فه‌رمیى پارتى ڕایگه‌یاند، "به هه‌ڵبژاردنى ده‌سته‌ى سه‌رۆکایه‌تى په‌رله‌مانى عێراق هاوپه‌یمانى سێقۆڵیان کۆتایی نه‌هاتووه، به‌ڵکوو ده‌بێت له‌و بڕیارانه‌ى دراون دژى هه‌رێم هاوپه‌یمانیه‌که هه‌ڵوێستى هه‌بێت و ئه‌وانیش له‌گه‌ڵ بۆچوونى پارتى بن".
ناوبراو وتیشى: "ئه‌و پڕۆژانه‌ى که ماون واده‌کات هاوپه‌یمانیه‌که پێویستى به‌یه‌ک بێت و ئه‌گه‌رچى ده‌سته‌ى سه‌رۆکایه‌تى په‌رله‌مان هه‌ڵبژێردراوه، به‌ڵام هێشتا هه‌ڵبژاردنى سه‌رۆک کۆمار و سه‌رۆک وه‌زیرانیش ماون".
سه‌باره‌ت به‌بڕیارى دادگاى فیدڕاڵى تایبه‌ت به کردنه‌وه‌ى ده‌رگاى خۆپاڵاوتن بۆ سه‌رۆکى کۆمارى عێراق بۆ جارى دووه‌م مه‌حموود محه‌مه‌د وتى: "بڕیاره‌که هه‌رچى بێت، ئه‌وکاته بۆچوونى پارتى به‌فه‌رمى ڕاده‌گه‌یه‌نین".
Your Comment