به‌پێی هه‌واڵی کوردپرێس، ڕۆژی یه‌کشه‌ممه 17-3-2019 به سه‌رپه‌رشتیی سه‌ربه‌ست له‌زگین بریکاری وه‌زاره‌ت و ئه‌ندامانی بۆردی چاکسازیی وه‌زاره‌ت و هێزه‌کانی هاوپه‌یمانان به سه‌رپه‌رشتیی کۆلۆنێڵ تان دیر جێگری فه‌رمانده‌ی هێزه‌کانی هاوپه‌یمانان له عێراق و شاندێکی یاوه‌ری کۆ بوونه‌وه و پرسی چاکسازییان تاوتوێ کرد که فه‌ریق جه‌مال محه‌مه‌‌د سه‌رۆکی ئه‌رکان و ژماره‌یێک له ئه‌فسه‌رانی وه‌زاره‌تی پێشمه‌رگه ئاماده‌ی کۆبوونه‌وه‌که بوون.
له‌و کۆبوونه‌وه‌یه‌دا که تایبه‌ت بوو به پرۆسه‌ی چاکسازی له وه‌زاره‌تی پێشمه‌رگه باس له چۆنیه‌تیی یه‌کگرتنه‌وه‌ی هێزه‌کانی پێشمه‌رگه به‌تایبه‌تی له نێوان هێزه‌کانی یه‌که‌ی 70 و 80 له ڕووی کارگێڕی، دارایی، مه‌شق، ڕاهێنان و خانه‌نشینی پێشمه‌رگه کرا.
هه‌روه‌ها له‌لایه‌ن به‌رپرسانی وه‌زاره‌تی پێشمه‌رگه‌وه ڕوونکردنه‌وه و هه‌نگاوه‌کانی ئه‌نجامدانی چاکسازی باسی لێوه کرا و هاوپه‌یمانانیش پشتگیریی خۆیان بۆ وه‌زاره‌تی پێشمه‌رگه و یه‌کخستنه‌وه‌ی هه‌موو هێزه‌کان خسته‌ڕوو.
کۆدی هه‌واڵنێر: 60103
Your Comment