به‌پێی هه‌واڵی کوردپرێس، نووسینگه‌ی ڕاگه‌یاندنی مه‌سعوود بارزانی سه‌رکرده‌ی پارتی دیموکراتی کوردستان له ڕاگه‌یێندراوێکدا ڕای‌گه‌یاند که ڕۆژی هه‌ینی 15ی 3ی 2019 له سه‌ڵاحه‌ددین مه‌سعوود بارزانی پێشوازی له فالح فه‌یاز سه‌رۆکی حه‌شدی شه‌عبی و ڕاوێژکاری ئاسایشی نیشتیمانیی عێراق کرد و کێشه‌کانی مادده‌ی (140)یان تاوتوێ کرد.
له ڕاگه‌یێندراوه‌که‌دا هاتوووه که له دیداره‌که‌دا بارودۆخی سیاسیی ناوچه‌که و شه‌ڕی داعش و هه‌نگاوه‌کانی بنبڕکردنی تیرۆر له عێراق تاوتوێ کراوه.
هه‌ر له‌و کۆبوونه‌وه‌یه‌دا بارودۆخی ناوچه‌کانی مادده‌ی 140 و هه‌وڵه‌کانی هه‌ردوولا بۆ چاره‌سه‌رکردنی کێشه‌کان خرایه به‌ر باس و گفتوگۆ و جه‌ختیش له هه‌ماهه‌نگیی هه‌ولێر و به‌غدا له بواری ئه‌منی و دابین کردنی داهاتوویێکی باشتر بۆ هاووڵاتییان کرایه‌وه.
سه‌رچاوه: شه‌فه‌ق نیووز
کۆدی هه‌واڵنێر: 60103
Your Comment