کوردپرێس:

ماڵپەڕی فەرمیی پارتی دیموکراتی کوردستان لە هەواڵێکی کورتدا ڕایگەیاند شەوی سێشەمە لە سەر چوارشەمە 5ی ئازاری 2019 مایک پۆمپیۆ وەزیری دەرەوەی ئەمریکا لە ڕێگای تەلەفونەوە پێوەندیی بە مەسعوود بارزانی سەرۆکی پارتی دیموکراتی کوردستانەوە کردووە.

بەپێی ڕاگەیێندراوی ماڵپەڕی پارتی لەو پەیوەندییە تەلەفۆنییەدا بیروڕا لەبارەی دوا پێشهاتەکان و بارودۆخی سیاسیی عێراق ئاڵوگۆڕ کرا.

وەزیری دەرەوەی ئەمریکا لە رۆژی چوارشەممە 9ـی 1ـی 2019 سەردانی هەولێری کرد و لەگەڵ مەسعوود بارزانی كۆ بووەوە.

تا ئەم کاتەش زانیاریی زیاتر لە بارەی ئەو پێوەندییە تەلەفونییەوە بڵاو نەکراوەتەوە.