بەپێی هەواڵی کوردپرێس عەلی میتانەت بەڕێوەبەری فڕۆکەخانەی شوهەدای ئیلام لەو بارەیەوە وتوویەتی فڕۆکەخانەی ئیلام 24 کاتژمێری شەو و ڕۆژ بەردەوامە لە کارکردن و وەکوو گرینگترین فڕۆکەخانەی نێوان ئێران و عێراق کە 50 لە سەدی گەشتە ئاسمانییەکانی نێوان ئەو دوو وڵاتە لە خۆ دەگرێت ئامادەیە پێشوازی لە میوانان و گەشتیارانی پشووەکانی نەورۆز بکات.

بەڕێوەبەری فڕۆکەخانەی ئیلام ئەوەشی زیاد کرد: زیاترین ڕێژەی گەشت کردنی گەشتیاران لە 15 بۆ 29ی ڕەشەمە دەبێت و پاش پشووەکانی نەورۆز ڕێژەی گەشتیاریش دادەبەزێت.

میتانەت گوتیشی ڕۆژانە ژمارەی 800 بۆ 1000 گەشتیار سەردانی فڕۆکەخانەی شوهەدای ئیلام دەکەن و هەر لە فڕۆکەخانەی ئیلامدا لافیتە و وەرەقەی ڕێنمایی ئاراستەی گەشتیاران دەکرێت و بەو شێوەیە شوێنەوارە مێژووییەکان و ناوچە گەشتیارییەکانی ئیلام بە گەشتیاران دەناسێنین.