به‌پێی هه‌واڵی کوردپرێس، ئه‌مڕۆ دووشه‌ممه‌ 25ی شوباتی 2019 سه‌باح نه‌عمان وته‌بێژی ده‌زگای به‌ره‌نگاربوونه‌وه‌ی تیرۆریزمی عێراق به‌ هه‌واڵده‌ریی ئه‌خبارییه‌ی ڕاگه‌یاند: ئێستاکه‌ هێزه‌ ئه‌مریکییه‌کانی جێگیر له‌ عێراق مه‌شقی سه‌ربازی به‌ هێزه‌ ئه‌منییه‌کان ده‌ده‌ن و به‌ مه‌به‌ستی ئاڵوگۆڕی زانیاری، مه‌شقی سه‌ربازی و پشتیوانیی ئاسمانی مانه‌وه‌ی هێزه‌کانی ئه‌مریکا له‌ عێراق پێویسته‌.

ناوبراو له‌سه‌ر چاره‌نووسی هاووڵاتییانی عێراقی ناوچه‌ی باغوزی سه‌ر به‌ پارێزگای دێره‌زوور له‌ ڕۆژهه‌ڵاتی سووریا که‌ وه‌ک کۆتامۆڵگه‌ی داعش له‌ ڕۆژهه‌ڵاتی ڕووباری فورات دێته‌ ئه‌ژمار گوتیشی: دانووستان و گفتوگۆکان له‌باره‌ی چاره‌نووسی بنه‌ماڵه‌ی چه‌کدارانی داعش له‌ باغوز درێژه‌ی هه‌یه‌ و هه‌ماهه‌نگیی پێویستیش له‌ئارادایه‌ به‌ مه‌به‌ستی دادگه‌یی کردنی تیرۆریستان له‌ ناو و ده‌ره‌وه‌ی عێراق.

کۆدی هه‌واڵنێر: 60103