بەپێی هەواڵی کوردپرێس، سولەیمان سۆیلۆ، وەزیری ناوخۆی تورکیا کە سەردانی ترابزۆنی کردووە لە کۆنفرانسی ڕۆژنامەوانیی پارتی داد و گەشەدا لەو شارە ئاماژەی دا بە شەڕی دژ بە پەکەکە لەچەند ساڵی ڕابردوودا و وتی: لە چیاکاندا 15 هەزار هێزی سەربە پەکەکە بوونیان هەبوو کە ئێستا تەنها 700 کەسیان ماون. تەنها لە ساڵی 2018ی زایینیدا 13 فەرماندەی پەکەکە لەلایەن هێزەکانی ئێمەوە کوژران یا دەستگیر کران.

ناوبراو درێژەی دا کەسانێک وەکوو موراد قەرایلان و جەمیل بایک کە فەرماندەیان پێدەوترێت بۆچی لە باکوور عێراق و قەندیل ماونەتەوە؟ من پەیامێکم بۆیان هەیە، بگەڕێنەوە بۆ تورکیا کە ئەو 700 هێزەیان تەنها نەبن، ئێستا کە باوەڕیان بە هێزەکانی خۆیان هەیە بگەڕێنەوە، ڕۆڵەکانی ئێمە چاوەڕێیانن. لە تورکیا چیدی هیچ فەرماندەیێکی پەکەکە نەماوە.

سەرچاوە: هابر7

کۆدی هەواڵنێر: 60113