به‌پێی هه‌واڵی کوردپرێس، به‌شیر حه‌داد جێگری دووه‌می سه‌رۆكی په‌رله‌مانی عێراق له‌ ڕاگه‌یه‌ندراوێكدا داوای ڕوونكردنه‌وه‌ی له‌ ئه‌نجومه‌نی باڵای دادوه‌ریی عێراق كردوووه‌ كه‌ هۆكاری لادانی زمانی كوردی له‌سه‌ر لۆگۆی ئه‌نجومه‌نه‌كه‌یان ڕوون بكه‌نه‌وه‌.

به‌شیر حه‌داد ڕاشیگه‌یاندوووه‌: "ئه‌و كاره‌ی ئه‌نجومه‌نه‌كه‌ كردوویه‌تی پێچه‌وانه‌ی ماده‌ی 4ی ده‌ستوور و ماده‌ی 3-4ی یاسای زمانه‌ فه‌رمییه‌كانی ژماره‌ 7ی ساڵی 2014یه‌ بۆیه‌ نووسراوی فه‌رمیمان ئاراسته‌ كردوون و به‌دواداچوونی جددیشی بۆ ده‌كه‌ین و هه‌ڵوێستیشمان ده‌بێت."

شایانی باسه‌؛ ئه‌نجومه‌نی باڵای دادوه‌ریی عێراق لۆگۆی خۆی گۆڕیوه‌ و نووسینی كوردیی له‌سه‌ر لۆگۆكه‌ لابردوووه‌ و لۆگۆ نوێیه‌كه‌یان ته‌نیا به‌ زمانی عه‌ره‌بی و ئینگلیزی نووسراوه‌.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103