کوردپرێس:

پاش بڕیارەکەی دۆناڵد ترەمپی سەرۆکی ئەمریکا بۆ کشانەوەی هێزە ئەمریکییەکان لە سووریا مەترسیی پەلاماردرانی کورد لە لایەن تورکیاوە چەند هێندە زیادی کرد و کورد ناچار بوو لەگەڵ دەوڵەتی ناوەندیی سووریا بکەوێتە گفتوگۆکردن بۆ ئەوەی هێزی سوپای دەوڵەتی ناوەند لە سنوورەکانی نێوان تورکیا و سووریا جێگیر بکرێت و ئێستاش دیار نییە گرێکوێرەی ناوچە کوردنشینەکانی باکووری سووریا و خۆرهەڵاتی ڕووباری فورات بە دەست کێ دەکرێتەوە.

مەزڵووم کۆبانێ، فەرماندەی گشتیی هێزەکانی سووریای دیموکرات رایگەیاند، داوا لە هاوپەیمانی نێودەوڵەتی بە سەرۆکایەتیی ئەمریکا دەکەن بەشێک لە سەربازەکانیان لە باکووری سووریا و ناوچە کوردنشینەکانی ئەو وڵاتە بهێڵنەوە.

فەرماندەی گشتیی هەسەدە راشیگەیاند، پشتیوانیی ئاسمانی و زەوینیی هێزەکانی هاوپەیمانیی دژەداعش بۆ رووبەڕووبوونەوەی گرووپە چەکدارییەکان، زەروورەتێکی حاشاهەڵنەگرە.