به‌پێی هه‌واڵی کوردپرێس، ڕۆژی هه‌ینی 15ی شوباتی 2019 خولووسی ئاكار وه‌زیری به‌رگریی توركیا له‌ لێدوانێكی ڕۆژنامه‌وانیدا له‌باره‌ی گۆڕانکارییه‌کانی ئه‌مدواییه‌ له‌ باکووری سووریا و دروست كردنی ناوچه‌ی ئارام گوتی: پاش كشانه‌وه‌ی هێزه‌كانی ویلایه‌ته‌ یه‌كگرتوووه‌كانی ئه‌مریكا نابێت ناوچه‌ی ئارام ببێته‌ مۆڵگه‌یێكی ئارام بۆ تیرۆرستان. ده‌بێ له‌ ناوچه‌ ئه‌منه‌که‌دا ته‌نها تورکیا هه‌بێت. دابین کردنی ئاسایشی ناوچه‌یێکی ئه‌من که‌ به‌ درێژاییی 440 کیلۆمه‌تر له‌ سنووره‌کانی تورکیا دروست ده‌کرێت هه‌ر له‌لایه‌ن هێزی هاوپه‌یمانێتیی نێوده‌وڵه‌تییه‌وه‌ گونجاو نابێت. ناوچه‌ ئه‌منه‌که‌ نه‌ک هه‌ر بۆ تورکیا به‌ڵکوو بۆ گه‌ڕانه‌وه‌ی هاووڵاتییه‌ ئاواره‌کانی سووریاش گرنگه‌ که‌ ناچار بوون ماڵه‌كانیان چۆڵ بكه‌ن و ئاواره‌ی توركیا بن.

ناوبراو له‌ درێژه‌ی لێدوانه‌کانیدا گوتیشی: په‌که‌که‌، په‌یه‌ده‌ و یه‌په‌گه‌ گرووپێکی هاوبه‌شن و بۆ پاراستنی خه‌ڵک و سنووره‌كانمان پێویسته‌ چه‌كدارانی یه‌په‌گه‌ له‌ ناوچه‌ی سه‌ر سنووره‌كانمان دوور بخرێنه‌وه‌.

سه‌رچاوه‌: ڕۆژنامه‌ی هابرتورک

کۆدی هه‌واڵنێر: 60103