کوردپرێس:

محەمەد مەهدی بەیاتی لەو بارەیەوە بە ئاژانسی هەواڵی مەعلوومەی عێراقی وتووە لە ماوەی چەند ڕۆژی ڕابردوودا وەجبەیێک کەرەستەی سەربازیی قورس و مودێڕنی ئەمریکا گەیێندراوەتە بنکە سەربازیی K1 لەپارێزگای کەرکووک.

بەیاتی گوتیشی: ژمارەی هێزە ئەمریکییکەکانی بنکەی سەربازیی K1ی کەرکووک بە هەمان ژمارەی هێزەکانی بنکەی سەربازیی "عین الاسد"ی پارێزگای ئەنبارن واتا زیاتر لە 5 هەزار هێز.

ناوبراو زیادی کرد ئەمریکییەکان تا ئێستا چەندین گەشتی ئاسمانیی سەربازییان لە ناوچەی حەویجە و ڕیاز و ڕشاد لەو پارێزگایەدا ئەنجام داوە. بۆیە داوای لە دەوڵەتی فیدراڵی عێراقیش کرد لە بەرانبەر ئەو جووڵە سەربازییانەی ئەمریکا لە عێراق هەڵوێستیان هەبێت و لەو بارەیەوە ڕوونکردنەوە بدەن.

کۆدی هەواڵنێر: 60101