به‌پێی هه‌واڵی کوردپرێس، نه‌وزاد ئه‌دھه‌م به‌ڕێوه‌به‌ری گشتیی بازرگانی له‌ وه‌زاره‌تی بازرگانی و پیشه‌سازیی هه‌رێم گوتی: ئه‌و کاڵا و پێداویستییانه‌ی له‌ ڕێگه‌ی مه‌رزه‌کانی ھه‌رێم له‌گه‌ڵ تورکیا و ئێرانه‌وه‌ دێنه‌ ھه‌رێمی کوردستانه‌وه‌ 75 له‌سه‌دیان بۆ ناوچه‌کانی دیکه‌ی عێراق و 25 له‌سه‌دیشی بۆ به‌کاربردنی دانیشتوووانی ھه‌رێمی کوردستانه‌.

ناوبراو ڕاشیگه‌یاند: "به‌ شێوه‌یێکی گشتی ئه‌و کاڵایانه‌ی دێته‌ ھه‌رێمی کوردستانه‌وه‌ ڕێژه‌ی 52 له‌سه‌دی له‌ ڕێگه‌ی تورکیاوه‌ دێن که‌ ئه‌ویش له‌ ڕێگه‌ی مه‌رزی ئیبراھیم خه‌لیله‌وه‌یه‌، ھه‌روه‌ھا ڕێژه‌ی 48 له‌سه‌دی کاڵاکانی دیکه‌ش له‌ ڕێگه‌ی مه‌رزه‌کانی دیکه‌ی ئێرانه‌وه‌ دێنه‌ ھه‌رێم و عێراقه‌وه‌".

ناوبراو ڕوونیشی کردوووه‌ته‌وه‌: ئێستا ئێران ده‌یه‌وێت مه‌رزه‌کانی ته‌وێڵه‌ و سه‌یرانبه‌ن و کێلێ بکرێن به‌ مه‌رزی ڕه‌سمی بۆ ئه‌وه‌ی کاڵایێکی زیاتر له‌ ئێرانه‌وه‌ بێته‌ نێو ھه‌رێمی کوردستان و عێراقه‌وه‌.

کۆدی هه‌واڵنێر: 60103