به‌پێی هه‌واڵی کوردپرێس، بیژه‌ن زه‌نگه‌نه وه‌زیری نه‌وتی ئێران له توویتێكیدا له‌سه‌ر تۆڕی كۆمه‌ڵایه‌تیی (توویته‌ر)دا بڵاوی كردۆته‌وه كه له به‌رانبه‌ر هه‌نارده‌كردنی غاز و كاره‌با، عێراق بڕی دوو ملیار دۆلار پاره‌ی ئێران قه‌رزاره.
له 3ی تشرینی دووه‌می 2016 هۆشه‌نگ فه‌لاحه‌تیان یاریده‌ده‌ری وه‌زیری وزه‌ی ئێرانی ڕایگه‌یاندبوو: "قه‌رزه‌كانی ئێران به سه‌ر عێراقه‌وه له به‌رانبه‌ر هه‌نارده‌كردنی كاره‌با بۆ وڵاته‌كه گه‌یشتۆته ملیارێک دۆلار و ئێران له‌سه‌ر داوای حكوومه‌تی عێراق، ئه‌و قه‌رزه‌ی بۆ عێراق كردوووه به قیست به‌ڵام به‌غداد دواكه‌وتوووه له دانه‌وه‌ی قیسته‌كان."
شایانی باسه؛ به‌پێی ڕێككه‌وتنێک كه له ساڵی 2005دا ئیمزا كراوه، ئێران له نێوان 1500 بۆ 2000 مێگاوات وزه‌ی كاره‌با ده‌داته عێراق.
کۆدی هه‌واڵنێر: 60103
Your Comment