به‌پێی هه‌واڵی کوردپرێس، ئه‌میر عه‌لی تورکمه‌ن بڵاوکه‌ره‌وه‌ی کتێبی سه‌حه‌ری سه‌ڵاحه‌ددین ده‌میرتاش هاوسه‌رۆکی پێشووی زیندانی‌کراوی پارتی دیموکراتیکی گه‌لان (هه‌ده‌په) ڕای‌گه‌یاند: تۆماس هاماربێرگ نوێنه‌ری پارتی سۆسیال دیموكرات له په‌رله‌مانی سوید له نامه‌یێکدا سه‌ڵاحه‌ددین ده‌میرتاشی كاندید كرد بۆ وه‌رگرتنی خه‌ڵاتی نۆبڵی ئاشتی بۆ ساڵی 2019 .
ئه‌و په‌رله‌مانتاره له نامه‌که‌یدا ئاماژه‌ی به‌وه‌ش كردوووه که ده‌میرتاش به هۆكاری سیاسی له زیندایه و ڕۆڵی هه‌بوووه له چه‌سپاندنی ئاشتی و پاراستنی ماف و گه‌لان له توركیا بۆیه شایسته‌ی ئه‌و خه‌ڵاته‌یه.
سه‌ڵاحه‌ددین ده‌میرتاش له 4مانگی 11ی 2016وه به تۆمه‌تی ئه‌ندامێتی له پارتی كرێكارانی كوردستان كه له‌لایه‌ن توركیاوه به ڕێكخراوێكی تیرۆریستی ناسێندراوه زیندانی كراوه و تا ئێستا پرۆسه‌ی دادگایی كردنی له‌سه‌ر چه‌ندین دۆسیه‌ی هه‌ڵبه‌ستراو یه‌كلایی نه‌بۆته‌وه و به‌رده‌وامه.
ئه‌وه‌ش له كاتێكدایه له 20مانگی 11ی ساڵی 2018 دادگای باڵای مافی مرۆڤی ئه‌وروپا بڕیاری دا سه‌ڵاحه‌ددین ده‌میرتاش ئازاد بكرێت به‌ڵام ده‌سه‌ڵاتدارانی توركیا پایه‌ندی ئه‌و بڕیاره نه‌بوون.
سه‌رچاوه: ڕۆژنامه‌ی دیوار
کۆدی هه‌واڵنێر: 60103
Your Comment